"Энг китобхон оила" акциясида фаол қатнашган ИИБ ходимлари тақдирланди
- Автор: Сапарбоев Наврўз
- Ноябрь 11, 2020
- 490 кўрилди
Хабарингиз бор, жорий йилнинг 25 октабр куни Урганч шаҳридаги "Урганч китоб маркази" МЧЖ томонидан "Энг китобхон оила" акцияси ўтказилган эди.
Акция доирасида 7 та соврин қўйилган ва 300 га яқин китобсеварлар иштирок этган. Ушбу акцияда Хоразм вилояти ички ишлар бошқармаси ходимлари ҳам ўзларининг фаоллигини кўрсатишди.
Ушбу муносабат билан "Урганч китоб маркази" да юртимиз ҳимоячилари бўлмиш ИИБ ходимларига фаол иштироклари учун китоблар ва турли эсталик совғалари топширилди.
Маълумот учун, ушбу акция яна давом этади. Ғолиблар 2021 йилнинг 21 мартида аниқланади.
