Хивага медиа-тур ташкил этилди
- Автор: Сапарбоев Наврўз
- Октябрь 21, 2020
- 525 кўрилди
21 октябрь — Ўзбек тили байрами куни муносабати билан Ахборот ва оммавий коммуникациялар агентлиги Хоразм вилоят бошқармаси ҳамда Уй-жой коммунал хизмат кўрсатиш вилоят бошқармаси ҳамкорлигида журналистлар ва блогерлар қадимий Хива шаҳрига медиа-тур уюштиришди. Унинг иштирокчилари дастлаб, “Шайх Мавлон бобо” зиёратгоҳида мангу қўним топган Огаҳий ва Шермуҳаммад Мунис қабрларини зиёрат қилишди.
Сўнгра медиа-тур қатнашчилари Огаҳий тути ва уй-музейини бориб кўрдилар. Огаҳий ижод мактаби катта ўқитувчиси, филология фанлари номзоди Мадина Матяқубова ҳамда музей раҳбари Уллибиби Абдуллаева бу ерда ўрин олган буюк шоир қўлёзмалар ва экспонатлари билан яқиндан таништирдилар.
