“Eng yaxshi videorolik” tanlovi g‘oliblari taqdirlandilar
- Автор: Сапарбоев Наврўз
- Декабрь 27, 2023
- 193 кўрилди
O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi Xorazm viloyati boshqarmasi hamda O‘zbekiston Respublikasi Ma’naviyat va ma’rifat markazi viloyat bo‘limi tomonidan blogerlar o‘rtasida kitobxonlikni targ‘ib qilish maqsadida “Eng yaxshi videorolik” tanlovi e’lon qilingan edi.
Mazkur tanlov orqali yurtimizda kitobxonlikni umummilliy harakatga aylantirish, ota-onalar va ularning farzandlari o‘rtasida mutolaa madaniyatini yanada yuksaltirish, mutolaada ota-ona ibrati, har bir xonadonda kitob javonlar bo‘lishi, elektron nusxalariga qaraganda kitobning qog‘oz shakli afzalliklari masalalariga alohida e’tibor qaratilishi maqsad qilingan.
Tanlovga topshirilgan ishlar saralanib, ular orasida ijtimoiy tarmoq faollari Mavjuda Sobirbayeva, Xurriyat Tangisheva va Dostonbek Ollaquliyevlarning ijodiy ishlari komissiya a’zolari tomonidan e'tirof qilindi. Tadbirda g'oliblarga "Tashakkurnoma", kitoblar to'plami hamda sovg'alar topshirildi.
