Kitoblar taqdimoti
- Автор: Сапарбоев Наврўз
- Июль 25, 2024
- 96 кўрилди
Mahmud Zamaxshariy nomidagi viloyat axborot-kutubxona markazida SH. Eshjonova, R. Qurbonov, S. Allberganov hammuallifligida yaratilgan “Xorazm fidoyilari”, N.Saparboyevaning “She'rlarim senga, go‘zal Xorazmim” hamda SH.Eshjonovaning “Shu el, vatan qiziman” nomli kitoblari taqdimoti bo‘lib o‘tdi.
Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi Xorazm viloyati boshqarmasi boshlig‘i D.Bekchanova olib borgan tadbirda taniqli ijodkorlar, mualliflarning do‘stlari, yaqinlari, adabiyot muxlislari hamda markazimiz xodimlari ishtirok etishdi.
Taqdimot davomida O‘zbekiston Yozuvchilar uyushmasi viloyat bo‘limi rahbari G.Ibodullayeva, “Oltin meros” Xalqaro xayriya jamg‘armasi viloyat bo’limi raisi K.Nurjonov, Urganch shahridagi 6-son umumiy o‘rta ta'lim maktabi direktori M.Jumaniyozova taqdimoti o‘tkazilayotgan kitoblar to‘g‘risida atroflicha so‘z yuritdilar.
Xonanda G.Jumaboyeva N.Saparboyevaning she'rlari taniqli hofizlar tomonidan qo‘shiq qilib kuylanayotganini e'tirof etib, Xorazm xalq qo‘shiqlaridan ijro qilib berdi. “Xorazm fidoyilari”, “She'rlarim senga, go‘zal Xorazmim” “Shu el, vatan qiziman” kitoblari nusxalari viloyat axborot-kutubxona markazi fondi uchun taqdim qilindi. Tadbir yakunida SH.Eshjonova N.Saparboyeva ijodidan namunalar o‘qib, ishtirokchilarga o'z minnatdorchiligini bildirdi.
