МУҚАДДАСДИР ВАТАН БАЙРОҒИ

Бугун Хоразм вилояти Ахборот ва оммавий коммуникациялар бошқармаси ҳамда Маҳмуд Замахшарий номидаги Хоразм вилоят ахборот-кутубхона маркази ҳамкорлигида Ўзбекистон Республикаси Давлат байроғи қабул қилинганининг 31 йиллигига бағишлаб "Муқаддасдир Ватан байроғи" мавзусида давра суҳбати ўтказилди.
Давра суҳбатида бошқарма бошлиғи Д.Бекчанова, вилоят ахборот-кутубхона маркази директори Р.Қурбанов, ТТА Урганч филиали тарих фанлари бўйича фалсафа докторлари З. Абидова, Ф.Атажановалар сўзга чиқди. Сўзга чиққанлар давлат байроғи ва унинг рамзи бугунги Ўзбекистон сарҳадида қадимда мавжуд бўлган давлатлар билан тарихан боғлиқлигини англатишини ҳамда республиканинг миллий-маданий анъаналарини ўзида мужассамлаштирганлигини гапиришди.

Тадбирда марказ ходимлари, Тошкент тиббиёт академияси Урганч филиалининг талабалари ҳамда Урганч шаҳридаги 7-19-сон умумий ўрта таълим мактаблари ўқувчилари иштирок этишди.