TUPROQQALʼADA YANGI KUTUBXONA
- Автор: Сапарбоев Наврўз
- Октябрь 09, 2023
- 218 кўрилди
Tumanda yangi axborot- kutubxona markazi ish boshladi. Oʻtgan ikki oy ichida kutubxona fondi turli adabiyotlar bilan boyitilmoqda. Yaqinda yangi nashrdan chiqqan “Turkiy adabiyot durdonalari” asarlar toʻplamidan 310 dona kitob kutubxona markaziga taqdim qilindi.
Kutubxona tuman kasb - hunar maktabi binosining bir qismida joylashgan. Hozir axborot–kutubxona markazining umumiy fondi 34 990 dona kitobga yetdi, 13 nafar xodim ish bilan taʼminlandi. Kitobxonlar soni esa 500 nafarga yaqinlashdi.
Markazda elektron resurslarni joriy qilish, foydalanuvchilar tomonidan koʻp soʻraladigan adabiyotlarning elektron nusxasini yaratish boʻyicha ishlar olib borilmoqda. Shuningdek, markazning kitob fondini boyitish, turli badiiy va bolalar adabiyotlari bilan toʻldirish, jumladan, kadrlar salohiyatini, kasbiy malakalarini oshirish yuzasidan ishlar samarali davom ettirilmoqda.
N. Saparbayev,
boshqarma bosh mutaxassisi
