Taniqli jurnalist Ikrom Xudoyberganov 60 yoshda
- Автор: Сапарбоев Наврўз
- Январь 09, 2023
- 302 кўрилди
Mahmud Zamaxshariy nomidagi viloyat axborot-kutubxona markazida O‘zbekiston jurnalistlar uyushmasi a’zosi Ikrom Xudoyberganov tavalludining 60 yilligiga bag'ishlangan tantanali tadbir bo'lib o'tdi.
Xorazm teleradiokampaniyasi direktori O'tkirbek Matqurbonov olib borgan tadbirda Urganch shahridagi Sportning o‘yin turlari va yengil atletika bo‘yicha ixtisoslashtirilgan sport maktabi murabbiylari va o'quvchilari ishtirok etishdi. Tantanali marosimda so'z olgan Mahmud Zamaxshariy nomidagi viloyat axborot-kutubxona markazi direktori Rahimboy Qurbanov, O'zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi viloyat boshqarmasi boshlig'i Dilbar Bekchanova, “Xorazm haqiqati” va “Xorezmskaya pravda” gazetalari birlashgan tahririyati bosh muharriri Soliyajon Rahimberganova hamda sport maktabi murabbiylari Ikrom Xudoyberganovni 60 yillik yubileyi bilan tabriklab, uning mehnat faoliyati, o'z maqolalari bilan viloyatimiz va respublika sporti rivojiga qo'shgan hissasi haqida atroflicha so'z yuritdilar.
