USTOZ JURNALISTLAR XONADONIDA
- Автор: Сапарбоев Наврўз
- Июнь 28, 2024
- 122 кўрилди
Xorazm viloyatida bir guruh jurnalistlar 27-iyun – Matbuot va ommaviy axborot vositalari xodimlari kuni munosabati bilan sohada uzoq yillar samarali mehnat qilgan ustozlarning xonadonlarida boʻlishdi.
Turli yillarda “Xorazm haqiqati” viloyat gazetasida muxbir, “Qishloq hayoti” gazetasining viloyatdagi muxbiri, viloyat matbuot va axborot boshqarmasi boshligʻi lavozimlarida ishlagan faxriy jurnalist Xusayin Rahmonov, Oʻzbekistonda xizmat koʻrsatgan madaniyat xodimi,”Xorazm haqiqati” gazetasida boʻlim mudiri, “Xorazm” nashriyoti bosh muharriri lavozimlarida ishlagan, faxriy jurnalist Oymonjon Egamovalarning uylariga borilib, bayram bahonasida kasbdoshlar dildan suhbatlashdilar.
Ustoz jurnalistlar hamisha safimizda boʻlsinlar. Ularning farishtali chehralaridan nur, qalblaridan mehr arimasin.
