Urganch shahri markazida “Kitob bayrami” tadbiri oʻtkazildi
- Автор: Сапарбоев Наврўз
- Апрель 21, 2022
- 489 кўрилди
Avval xabar berganimizdek, joriy yilning 18-23-aprel kunlari yurtimizning barcha hududlarida boʻlgani kabi Xorazmda ham “Kitobsevar millat” shiori ostida “Kitobxonlik haftaligi” tadbirlari boʻlib oʻtmoqda.
Bugun Urganch shahri markazida joylashgan Amir Temur nomidagi istirohat bogʻida oʻquvchi-yoshlar, ularning ota-onalari, talabalar, harbiy xizmatchilar, ommaviy axborot vositalari va keng jamoatchilik vakillari ishtirokida kitob bayramlari, kitob savdo koʻrgazma-yarmarkalari, intellektual sovrinli viktorinalar oʻtkazildi.
Shu bilan birga, viloyatimiz boʻylab haftalik doirasidagi boshqa madaniy-maʼrifiy tadbirlar, kitob bayramlari shahar va tuman istirohat bogʻlarida, axborot-kutubxona markazlari, oliy taʼlim muassasalari va umumtaʼlim maktablarida davom etmoqda.
